Tulisan

geguritan

SUMELEH

Abot tenan sirah iki

Ora kepenak kanggo turu

Alon-alon gemletak ono dipan

Tak sawang siji-siji

Reng usuk sing wis dipangan ngenget

Kapan aku bisa ndadani

Sisih wetan

Sisih kulon

Sisih kidul

Lan sisih lor

Wis dicegati panggonan sing kepenak

Wong rakus podo manjelmo

Meh dipek kabeh ora ono turahane

Sak dermo wae aku mangan

Sak onone wae sing penting cukup

Migunakake opo anane

Ra sah golek perkoro

Ora usah  golek tambahan sing olo

Percoyo wae

Sing nandur mesti ngundhuh

Ayo poro konco

Diselehke dhisik

Ati sing podo panas

Disabar-sabarake

Mengko mesti ono wektune dhewe

Aryatmono Siswadi

Jl. Tamtama gang 19 Nomor 31 Penyangkringan RT 01 RW 14 Kecamatan Weleri Kabupaten Kendal 51355

OPO TUMON

BAKSO FATHONAH

Wis sauntoro wektu aku ora bali niliki lemah kelahiranku ing  Wongiri Deso Eromoko. Yen dietung-etung wis ono rong tahun aku ora bali. Ngepasi Om Antok ( adine ibune bocah-bocah) sing nyambut gawe ono Jakarta pas bali njupuk cuti seminggu, kepingin dolan menyang Giribelah Kecamatan Giritontro . Om Antok wis ono limang tahunan ora tahu ngerti kahanan Giribelah yaiku Tlatah asale morotuo. Mulane age-age aku golek carteran lan sisan sak omah tak ajak kabeh .

Mangkat soko Weleri Kendal tabuh subuh jam limonan. Pak Markoyo arane sopir sing tak ajak nyarter menyang Wonogiri. Alon-alon lakune kendaraan amargo arep ngampiri anak lanang sing kuliah ono UDINUS Semarang .

Jan nyawang dalan esuk pancen asri lan nyenengake, metu kutho Semarang wanci jam  06.00 nganti tekan Kecamatan Wuryantoro kiro-kiro jam 10.00. Aku nylethuk , “ Ayo mampir warung bakso, wis ngelih ki !” semaurku marang Pak Markoyo. Krungu sworoku, age-age pak Markoyo minggirke kendaraane mampir warung Bakso Sapi.

Bareng wis mandek, kabeh podho medun mlebu warung Bakso Sapi, lan pesen siji-siji. Langsung dirahapi nganti  sak porsi entek, jan ndemenakake tenan . Karo leren ngenteke wedang, aku mbayar ono ing kasir karo kondo yen baksone enak tenan.

Sak durunge pamit arep neruske laku menyang Giritontro, aku nyedaki Kasire karo matur.

“ Mbak, aku duwe usul?”. Semaurku.

 “ Usul menopo pak?” wangsulane Kasire

“ Bakso Sapi iki mesti tambah rame yen jenenge di ganti jenenge, mbak !”

“Lha, badhe dipun gantos nami nopo pak ?”

“Diganti Bakso Fathonah, wae mbak !”

Keprungu usulanku iku, karyawan warung Bakso podho sawang-sinawang karo konco-kancane, bareng sautoro wektu podho ngguyu bebarengan, ngerti yen di maksud Bakso Fathonah yoiku amargo jeneng Fathonah dihubungake karo Suap Daging sapi mulane Sapi diganti Fathonah.

“Enten-enten mawon pak !” wangsulen sing duwe warung.

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

OPO TUMON

BANYU WIJIKAN DIOMBE

Yen kelingan crita iki aku mung arep ngguyu terus. Lelakon iki kedadeyane rikolo tahun 2004.

Sing jenenge warung Lamongan ono ing Kota Weleri yen tak etung-etung luwih 10 panggonan. Warung semono akehe kuwi payu kabeh, soko sing jenenge Lamongan Cak Nur, Lamongan Bang Komed sing kondang diarani Lamongan ngarep SMPK Weleri. Lan isih akeh sing jenenge aku ora apal.

Wanci jam 7 bengi aku ngajak ibune bocah-bocah karo loro anakku mangan njobo, yo arep mangan iwak bebek goreng Lamongan Bang Komet ngarep SMPK Weleri. Anakku isih cilik-cilik mulane mangkat bareng goncengan wong papat.  Bareng wis nyetandratke sepeda motor ngarep warunge Bang Komed, aku pesen mangan lawuhe bebek goreng cacahe papat porsi. Sisan pesen ngombene wedang jeruk panas.

Ngenteni sedelok lungguh nang kloso, Bang Komed teko karo ngowo mangkok papat sing isine banyu putih dicampur kulit jeruk. Sakbanjure sego jumlahe ugo papat terus disusul lawuhe bebek goreng  di selehke nggon cuek dibarengke sambel trasine  sisan. Wedang jeruk panase durung di tokake. Amargo aku durung pernah ngajak anakku mangan nggon warung lamongan, ngerti  mangkok isine banyu putih njeroni ono jeruke, anakku lanang njupuk terus meh diombe. Ngerti yen anankku meh ngombe, aku cepet-cepet  njupuk mangkok ngarepku terus ngajari anakku.

“Le, iki wijikan dudu wedang jeruk , wedange durung di tokake !” 

Nonton polahe anakke , ibune mesam-mesem. terus ngomong. “ Wis, ndang dimaem selak adem mengko ora enak di pangan”!

Anakku langsung njupuk iwak bebek dicampur sambel trasi terus mangan telap-telep, lali kedadeyan sing lagi wae dilakoni. Wis..wis wijikan kok meh diombe. Opo tumon?

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

GEGURITAN

                                      BUMINE SAMBAT

Ora awan ora bengi

Ora sore opo maneh isuk

Wong tuwo, wong enom

Opo maneh sing isih bocah

Yen podho mangan jajan nganggo buntel plastik

Dibuwang sak nggon-nggon

Bumine sambat.....

Bumine sedih...

Bumie goyang.....

Lemahe wis ora subur maneh

Katutup plastik

Lemahe sambat

Lemahe nangisi awake dhewe

Amargo ora biso muni

Manungso sak karepe dhewe

Manungso nggugu  awake dhewe

Banjir bandhang....

Wis kawentar kono kene

Nanging tetep wae

Manungso ora ngrubah lakune

Duh Gusti nyuwun pangapuro !

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

 

GEGURITAN

GOGROKE BENTENG KEADILAN

Wis ora duwe isin

Ora duwe welas asih

Isine bener thok !!

Atine wis digembok rapet

Wegah ngrungoke ukoro-ukoro becik

Mlakune tetep ndhangak

Ngguya-ngguyu rumangsane ora salah

Diarak wong akeh malah tangane  ndhadhahi

Mlebu , lungguh kursi pesakitan ora ndhingkluk

Ananging pasuryane adem ayem

Walah.............. walah...

Arep digowo menyang ngendi Ibu Pertiwi Iki

Sing di tandur barang olo

Sesuke ngundhuh berholo

Sing dibelo wong durhoko

Sesuke ngundhuh sangsoro

Poro pangembating Praja

Opo podho ora kroso

Menowo wong-wong kuwi

Arep nggogroake benteng keadilan

Tambah dino , ora tambah kabecikan

Ananging tambah prekoro sing diarani “kurupsi”

Angel dietung, wis wong pro sing keno perkoro suap

Amargo keadilan wis gogrok

Dheweke ora duweni wedi marang sopo wae

Sing prihatin

Menowo dheweke ora duweni wedi marang Gusti !!

                                                             

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

 

GEGURITAN

KANGENKU MARANG SIMBOK

SIMBOK
KANGENKU ORA KARU-KARUAN
KELINGAN ..
... RIKOLO SIMBOK GAWE JANGAN LOMBOK KACANG THOLO
WIS JAN ..RASANE
ONO MANEH SEGONE THIWUL ANGET

SIMBOK..
KATENTREMAN ONO ING SANDINGE GUSTI !!!!!
AKU ANAKMU
NERUSKE LAKU
MGAYOMI ANAK PUTUMU...
KAREBEN URIP TENTREM LAN LANGGENG

ADEM ATI
NYAWANG NGAREP
ISIH AKEH SING KUDU DIAYAHI !!!!!!!!!

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

e-mail : monosis@yahoo.co.id

Geguritan

KORUPSI

Piyantune sehat, seger, gagah

Eseme ndemenakake wong akeh

Kepencut...

Ora percoyo

Jebule koruptor

Bareng wis kecekel

Ethok-ethok loro

Gemlethak tanpo doyo

Ora weruh kiwo tengen

Ora krungu ethok-ethok budhek

Tensine tambah dhuwur

Jebule bar mangan sate

Ana maneh

Wis kecekel banjur dipenjoro

Isining pakunjaran barang-barang sing mewah

Jebule petugase wis disogok

Liyane maneh

Wis dipenjoro jebule ana Bali

Bareng ditelusuri entuk paspor palsu

Heng wilaheng....

Kapan paripurnaning prakoro iki

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

GEGURITAN

KRETEK PLUMBON

WENGI KATON PETENG NDHEDET

GLUDHG-GLUDHUG MEH UDAN

ORA ONO SAWIJINING LINTANG KANG JUMEDUL

AWAKKU NEMBUS KAHANAN KANG PETENG IKU

LUMAKU ALON SINAU GOLEK KAPINTERAN

BRAYAT KANOMAN PLUMBON WIS PODO NGENTENI

NGAJAK SINAU NGUNDHUH ILMU

KANTHI GRAPYAK LAN GEGUYON

NGANDHANI SIJI LAN SIJINE

WANCI JAM TABUH SONGO WENGI

AWAK IKI DITINGGAL KONCO-KONCO

PODO ORA PAMIT.....EMBUH AREP MENYANG NGENDI

TAKON MARANG ANGIN..ORA ONO JAWABANE

TAKON MARANG JANGKRIK SING NGERIK..MALAH MENENG WAE

MEH TAKON WONG SAK OMAH..WIS LUNGO KABEH

................................

ATIKU TETEP MLAYU NGOYAK SWORO SING WIS KATON ADOH

ADOH BANGET...KETHIP BANGET WIS ORA KEPRUNGU

SIKIL IKI MLAYU SIPAT KUPING

SIKIL IKI ORA BISA DIAJAK KOMPROMI

SIKIL IKI NGGOLEKI SWORO SING WIS ILANG

ORA LET SUWE........

AWAK IKI MABUR , NYEMPLUNG KRETEK PLUMBON

ORA ELING OPO-OPO

ORA  KROSO OPO-OPO

ORA ONO WONG BABAR PISAN

ORA KROSO KATISEN

TABUH SEPULUH..

TABUH SEWELAS....

TABUH ROLAS....... NGANTI TABUH SUBUH ESUK UMUN-UMUN

AWAK IKI ISIH GUMLETHAK  ONO SAK NGIROSE KRETEK PLUMBON

ARANKU GOSIS.....

SING KEMULAN WEDHI SEWENGI MUPUT

SING NYIKEP WATU IRENG GEDHE

SING ORA ELING NGANTI SAKIKI

SING DADI CRITA TEKAN BESUKE

MATUR NUWUN MARANG BRAYAT PLUMBON

GUSTI MATUR NUWUN

TAKSIH PARING KAWILUJENGAN

DUMATENG KULO !!!

Weleri, 29 Januari 2012

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

e-mail : monosis@yahoo.co.id

Opo tumon

NONGKO KARO PARUTAN KLOPO

Aku duwe konco arane pak Dasikin asli soko Pemalang . Rikolo tahun 1991 , pak Dasikin nyritakake diajak konco-koncone dolan menyang Randudongkal persise soko Pemalang arah ngidul kiro-kiro 20 kilo. Wong telu mangkat bareng numpak sepeda motor wanci jam songo isuk. Wektu semono dalanan durung alus koyo jaman saiki, isih podo nggronjal akeh jeglongane, mulane mlakune alon-alon sing penting slamet tekan panggonan.

Ngancik jam sepuluhan Pak Dasikin karo konco-koncone tekan nggone mas Haryo, amargo sayah mulane podho nglekar nang kloso sing wis di siapke mas Haryo.

“Wah, ketoke sayah banget yo ?”

Mas Haryo nyletuk karo nggowo wedang lan panganan sakonone, amargo bojone pas ora ono ngomah.

“Tenan ki, kesel banget” wangsulane Pak Dasikin.

“Wis ndang diombe lan dirahapi nyamikane” kandane mas Haryo.

Sak konco podo tangi gregah ngombe lan mangan nyamikane. Durung entek mangane mas Haryo wis metu maneh karo nggowo panganan nongko sing wis dionceki karo parutan klopo , terus diselehke nggon kloso.

Pak Dasikin lan koncone weruh ono nongko karo parutan klopo age-age podo njupuk nongko terus njupuk parutan klopo dilebokake nang nongkone terus podo di dahar. Jan ketoke nikmat tenan.

Nanging, mas Haryo kepingel-pinekel tenan weruh pak Dasikin lan koncone podo dahar nongko diiseni parutan klopo.

Ngerti yen mas Haryo kepingekel-pingel. Pak Dasikin nakoni. “ Ono opo Har, ngguyune meh nganti nangis?”

“Walah-walah Kin ! Carane mangan nongko ora koyo mengkono, lha kok nongko diiseni parutan klopo,” semaure mas Haryo.

“Lha terus piye ?” Pak Dasikin karo ndoblong .

“Parutan klopo kuwi fungsine kanggo wijikan supoyo mengko yen mangan nongko ben ora ngeleti” wangsulane mas Haryo.

Pak Dasikin karo koncone podo pandeng-pandengan

 “oooo!”

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

 

Opo tumon

NONGKO KARO PARUTAN KLOPO

Aku duwe konco arane pak Dasikin asli soko Pemalang . Rikolo tahun 1991 , pak Dasikin nyritakake diajak konco-koncone dolan menyang Randudongkal persise soko Pemalang arah ngidul kiro-kiro 20 kilo. Wong telu mangkat bareng numpak sepeda motor wanci jam songo isuk. Wektu semono dalanan durung alus koyo jaman saiki, isih podo nggronjal akeh jeglongane, mulane mlakune alon-alon sing penting slamet tekan panggonan.

Ngancik jam sepuluhan Pak Dasikin karo konco-koncone tekan nggone mas Haryo, amargo sayah mulane podho nglekar nang kloso sing wis di siapke mas Haryo.

“Wah, ketoke sayah banget yo ?”

Mas Haryo nyletuk karo nggowo wedang lan panganan sakonone, amargo bojone pas ora ono ngomah.

“Tenan ki, kesel banget” wangsulane Pak Dasikin.

“Wis ndang diombe lan dirahapi nyamikane” kandane mas Haryo.

Sak konco podo tangi gregah ngombe lan mangan nyamikane. Durung entek mangane mas Haryo wis metu maneh karo nggowo panganan nongko sing wis dionceki karo parutan klopo , terus diselehke nggon kloso.

Pak Dasikin lan koncone weruh ono nongko karo parutan klopo age-age podo njupuk nongko terus njupuk parutan klopo dilebokake nang nongkone terus podo di dahar. Jan ketoke nikmat tenan.

Nanging, mas Haryo kepingel-pinekel tenan weruh pak Dasikin lan koncone podo dahar nongko diiseni parutan klopo.

Ngerti yen mas Haryo kepingekel-pingel. Pak Dasikin nakoni. “ Ono opo Har, ngguyune meh nganti nangis?”

“Walah-walah Kin ! Carane mangan nongko ora koyo mengkono, lha kok nongko diiseni parutan klopo,” semaure mas Haryo.

“Lha terus piye ?” Pak Dasikin karo ndoblong .

“Parutan klopo kuwi fungsine kanggo wijikan supoyo mengko yen mangan nongko ben ora ngeleti” wangsulane mas Haryo.

Pak Dasikin karo koncone podo pandeng-pandengan

 “oooo!”

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

OPO TUMON

JEBULE ORA KATUT

Saben esuk anakku lanang sing jenenge Yosa mesti melu aku mangkat sekolah numpak motor. Anakku sekolah ana ing SD Kanisius Brana Weleri, rikolo kuwi kelas 3.  Ning kalodangan esuk iku koyo biasane arep mangkat sekolah, amargo wektune wis ngancik jam 06.45 aku rada kesusu ngajak Yosa.

“Yos, ayo cepet wis awan ki !”

Aku nyeluk anak lanang sing isih ono njero omah. Anakku wis metu soko ngomah wis cedak karo motorku. Sak ngertiku anakku wis numpak motor, age-age aku ngegas motor terus mlaku menyang sokolahan.

Bareng wis tekan sekolahane anakku aku ngomong. “ Yos, ndang medun iki wis tekan !” e..... jebule anaku ora katut melu aku. Amarga ngerti yen Yosa ora katut,  ceper-cepet aku mbalek klepat metuk anakku. Wis ora karu-karuan pikiranku, aku ngebut marani akku. Ning tengah dalan aku ketemu anakku wis numpak becak karo nangis ngguguk. Aku terus ngetutke ning mburine nganti tekan sekolahane anakku.

Bareng  tekan sekolahan, anakku wis telat mlebu kelas, banjur aku matur karo kepala sekolahe jenenge Pak Juweni. Krungu critane sing tak aturke pak Juweni ngguyu kepingkel-pingkel karo ngelus-ngelus sirahe anakku.

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

OPO TUMON

Kecemplung kali

Kedadiyan iki aku alami dhewe rikolo kelas 1 smp tahun 1977. Wanci jam 7 wengi koyo biasane sinau karo konco-konco neng Plumbon. Wektu iku bebarengan karo ono rasulan ( bersih deso ing Eromoko ) . Pas rasulan iku ono tontonan wayang kulit sewengi utuh. Konco-konco ora menehi ngerti karo awakku yen bengi iku arep podho nonton wayang , mulane konco-konco podho nilapke aku. Wektu iku aku menyang buri , ora ngerti babarblas yen konco-konco wis podho mangkat nonton wayang. Aku takon karo budhe Tarto, sing duwe omah. “ budhe, rencang-rencang wontwn pundi ?”. wangsulane budhe, “ oo, bocah-bocah mau numpak doplak arep nonton wayang kulit ning Eromoko Kulon, opo awake ora diajak?”.

Krungu ngendikane budhe awakku mlayu sipat kuping karo nggowo buku-buku nguyak konco-konco sing budal numpak doplak. Kiro-kiro satus meter nguyakku ora kecekel, pas ngliwati kretek Plumbon , aku kesandung watu......kecemplung kali, bukuku morak-marik, banjur aku wis ora kelingan opo-opo. Jerone kali kurang luwih 10 meter.

Ing wanci esuk umun-umun jam limo, ono wong menyang kali arep adus...weruh ono bocah gemlethak ing ngisor kretek. “Sopo kae ono bocah gemlethak !!!!! Gosis...Gosis...Gosis....(patrapane aku wektu iku) putrane pak Kasino. ! laporane Bulek Mikuk marang para wargo Plumbon. Esuk kuwi dadi geger lan rame banget.........awakku dibopong rame-rame......menyang omahku.

Aku dirawat ing RS Giriwono –Wonogiri kurang luwih rong wulan. Opo Tumon sinau malah nyemplung kali !

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

 

RENJANA

Dua puluh lima tahun

Kutinggalkan kampung halamanku

Titik tolak awal kehidupan

Disana batu penjuru  kutanam

Untuk merengkuh arti hidup

Masih kusimpan segenggam tanah kelahiranku

Melepas segala renjana didadaku

Darsono.....

Purwanto .......

Wiwik .......

Dimana dirimu kini

Renjana

Wajah-wajahmu sering nampak dihatiku

Gelak tawa mu mengiringi sepiku

Sendau guraumu mengelitik jiwaku

Saling ejekmu membuka senyumku

Aku masih ingat

Ketika masak singkong di Baran

Aku masih ingat ketika bakar jagung di Plumbon

Aku masih ingat

Ketika makan tiwul di Kebonagung

Aku masih ingat

Ketika panen kacang di Eromoko Kulon

Aku jadi ingat ketika  kau berkata

“Mau jadi apa kamu besuk”

Kita pasi jadi orang yang berguna

Untuk keluarga atau orang lain

Renjana !

Renjana !

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

 
SING DIGUGU SOPO

Jenenge Wakil Rakyat

Sing kudune ngayomi lan ngewangi

Sing sejatine dadi penglipure wong sak Nuswantoro

Sing mentingake liyan katimbang awake dhewe

Sing wani mbelani wong cilik

Jengene Wakil Rakyat

Ora isuk ora awan

Ora sore ora wengi

Pakaryane kabeh kanggo kapentingane rakyat

Jengene Wakil Rakyat

Ora tedheng aling-aling

Sing bener mesti dibelani

Jajah deso milangkori

Mangerteni panggonan sing kudu dibantu

Ananging.........

Tangan iki ngelus dodo

Ati iki mbrebes mili ..................nyawang !

Wakil Rakyat turu rikolo ono Sidang Paripurno

Wakil Rakyat gawe rancangan toilet sing regane ngedap-edapi

Wakil Rakyat senengane dolan rono dolan rene

Lelakon sing endi sing kudu digugu !!!!!

Ono ngendi roso welase... sawangen !!!

Bocah-bocah Banten arep sekolah gegantungan ono ing kretek sing ambruk

Bocah-bocah Kediri podo sinau ono ing kelas sing meh ambrol

Tak suwun poro Wakil Rakyat

Balio...mikirke wong cilik

Iku sejati sing di arep-arep wong sak Nuswantoro

Aryatmono Siswadi

Jl. Tamtama GG 19 No. 31 Penyangkringan Kecamatan Weleri Kendal Jateng POS 51355

e-mail : monosis@yahoo.co.id

 
SUMELEH

Abot tenan sirah iki

Ora kepenak kanggo turu

Alon-alon gemletak ono dipan

Tak sawang siji-siji

Reng usuk sing wis dipangan ngenget

Kapan aku bisa ndadani

Sisih wetan

Sisih kulon

Sisih kidul

Lan sisih lor

Wis dicegati panggonan sing kepenak

Wong rakus podo manjelmo

Meh dipek kabeh ora ono turahane

Sak dermo wae aku mangan

Sak onone wae sing penting cukup

Migunakake opo anane

Ra sah golek perkoro

Ora usah  golek tambahan sing olo

Percoyo wae

Sing nandur mesti ngundhuh

Ayo poro konco

Diselehke dhisik

Ati sing podo panas

Disabar-sabarake

Mengko mesti ono wektune dhewe

Aryatmono Siswadi

Jl. Tamtama gang 19 Nomor 31 Penyangkringan RT 01 RW 14 Kecamatan Weleri Kabupaten Kendal 51355